قرآن مجید اور معصومین علیہ السلام کے فرمان کی روشنی میں سچ اور جھوٹ کا موازنہ

سچ ایک نہایت بہترین اور قابل تعریف صفت ہے کہ جس نے مومن کو آراستہ ہونا چاہیے ، راست گوئی، راست گفتاری ، انسان کی عظیم شخصیت کی علامت ہے۔ جب کہ جھوٹ بولنا اس کے پست، ذلیل اور حقیر ہونے کی نشانی ہے۔

احادیث میں “سچ” اور “جھوٹ” کو کسی انسان کے پہچاننے کا معیار قرار دیا گیا ہے حضرت امام جعفر صادق علیہ السلام فرماتے ہیں:

“کسی انسان کے اچھے برے ہونے کی پہچان اس کے رکوع اور سجود کو طول دینے سے نہیں ہوتی اور نہ ہی تم اس کے رکوع اور سجود کو طولانی ہونے کو دیکھو کیونکہ ممکن ہے ایسا کرنا اس کی عادت بن چکا ہو کہ جس کے چھوڑنے سے اسے وحشت ہوتی ہے بلکہ تم اس کے سچ بولنے اور امانتوں کے ادا کرنے کو دیکھو۔”

(سفینۃ البحار جلد 2 ، ص 18)

سچے انسان کا ظاہر پرسکون اور باطن مطمئن ہوتا ہے جب کہ جھوٹا آدمی ہمیشہ پریشان اور ظاہری و باطنی اضطراب و تشویش میں مبتلا ہوتا ہے۔ حضرت امیر المومنین علی علیہ السلام فرماتے ہیں:

“کوئی شخص بھی اپنے دل میں کوئی راز نہیں چھپاتا مگر اس کے چہرے کی رنگت سے اور بے ربط باتوں کے ذریعے اس کی زبان سے ظاہر ہو جاتا ہے۔”

(نہج البلاغہ حکمت 25)

ایک شخص بہت سا مال لے کر چند ساتھیوں کے ساتھ سفر پر گیا ہوا تھا اس کے ساتھیوں نے اسے قتل کرکے اس کے مال پر قبضہ کر لیا جب وہ واپس آئے تو کہنے لگے کہ وہ اثناء سفر میں فوت ہو گیا۔ انہوں نے آپس میں یہ طے کر لیا تھا کہ اگر کوئی ان سے اس کی موت کا سبب پوچھے تو سب یہی کہیں گے کہ بیمار ہوگیا تھا اور اس میں وہ فوت ہو گیا۔ اس شخص کے ورثاء نے حضرت علی علیہ السلام کی خدمت میں ذکر کیا۔ حضرت علی علیہ السلام نے تفتیش کے دوران ان سے دریافت فرمایا کہ تمہارے ساتھی کی موت کس دن اور کس وقت واقع ہوئی؟ اسے کس نے غسل دیا؟ کس نے کفن دیا؟ کس نے نماز جنازہ پڑھائی؟ ہر ایک سے بطور جداگانہ سوالات کیے اور ہر ایک نے ایک دوسرے کے برعکس جواب دیا۔

امام علی علیہ السلام نے تکبیر بلند کی اور تفتیش کو مکمل کرلیا اس طرح سے ان کے جھوٹ کا پردہ فاش ہو گیا اور معلوم ہوگیا کہ ساتھیوں ہی نہیں اسے قتل کیا اور اس کے مال پر قبضہ کر لیا تھا۔

(قضا و تہای حضرت علی علیہ السلام)

لوگوں کو سچ اور امانت کے راستوں پر چلانا اور جھوٹ اور خیانت سے باز رکھنا انبیاء علیہ السلام الہی کے مقاصد میں سے ایک مقصد رہا ہے جیسا کہ امام جعفر صادق علیہ السلام فرماتے ہیں:

“خداوند عالم نے کسی نبی کو نہیں بھیجا مگر وہ نیک اور پسندیدہ اخلاق کے ساتھ ایک تو سچ بولنا اور دوسرے امانتوں کی ادائیگی ہے۔”

(سفینۃ البحار جلد 2، ص 18)

حضرت علی علیہ السلام فرماتے ہیں:

“کوئی بندہ ایمان کی حقیقت کو اس وقت تک نہیں پا سکتا جب تک وہ جھوٹ بولنا نہ چھوڑ دے یہ سچ کا جھوٹ ہو اور یہ سچا جھوٹ ہو یا راق کا جھوٹ۔”

(سفینۃ البحار جلد 2، ص 473)

جھوٹ کے اثرات:

جھوٹ کیوں بولا جاتا ہے؟

احساس کمتری:

سزا اور جرمانہ سے بچنے کے لیے:

منافقت اور دوغلی پالیسی:

ایمان کا فقدان:

جھوٹ کا علاج: